الهاجس اللي للقصيده سعرها
تسمع صداها داخل الصدر تفجير
فكره ورغبه ليلته في سهرها
للقاف والمعنى مع الليل تصخير
تزجر وترمي بالحمم مع شررها
لكن ابجعلها مع الناس تمرير
رحلة غياب المرحلة في نظرها
اكبر خيانة رسمها بالتصاوير
ولو تمسك العلم القديم واثرها
تلقى بمحفوظ الدفاتر تقارير
يعطيك عن نبذة حياتي خبرها
يوجد عن الموقف والافكار تبرير
يا رحلة الغايب وش اللي امرها
حتى استوت بين القضا والمقادير
شفت السحاب اللي تغشى قمرها
ثم حال من دونه عجاج ومعاصير
اذبل من العجه قطايف زهرها
وصاحت على رمضاه نبت النواوير
حتى الشجر سوا العزا في ثمرها
وجذع النخل صابه من الغيب تكسير
من بعد ما وقف تساقط مطرها
من رحلة الغياب حزن وتعابير
والمشكله وان زاد فيني خطرها
محكوم بالاعدام صلب وتعازير
لو حاول الانسان ينسى قهرها
يرسم أمل بكره مع الناس تحرير
يجيه بالواقع حياته دمرها
تلقى على وجه الزمان المحاذير
ليل المفازه ارضها من عبرها
يعطيك عن خط المفازات والسير
في ليلة ظلماء تنابح جعرها
والانس من سم الحيايا مقابير
رحلة غياب وسالفه من نشرها
يلقى بها راحة فكر مع اسارير
لو كان باللغز العظيم اختصرها
وحط الرقوم وحلها فيه تشفير
ياقارء النوته عزفت بوترها
لحن الغياب اللي عُزف لحظة عصير
من مخ راسة بالمعاني مهرها
ولا ينفع العربان كثر المداوير
كثر الصداع اللي براسي فجرها
قصيدة فيها من الشعر تفكير
دنياك لو تسقيك موية نهرها
تنثر على درب المسافر مسامير
وان شفتها تضحك فلا تعتبرها
فرحة نصر هاذي وراها مخاسير
اقرأ وناظر وانتبة في صورها
تعطيك عن نبذة تفاصيل تعبير
وان طالت المده وطول دهرها
تقرأ عناوين التعب بالمشاوير
الخميس أكتوبر 14, 2010 12:33 am